Каталониянинг “Барселона” клуби келаси ёзда Дортмунднинг “Боруссия” клуби ҳужумчиси Юсуф Мукокони сотиб олишдан умидини узмаяпти.
Sport нашри хабарига кўра, "кўк-анорранглилар" "арилар" ўз ҳужумчиси билан янги шартнома имзоламайди ва 2023 йилнинг июнида эркин агент сифатида кетади деб умид қилмоқда.
Эслатиб ўтамиз, сўнгги пайтларда Мукоко "Боруссия" билан янги шартнома имзолашга яқин экани ҳақида кўп миш-мишлар тарқалди. 18 ёшли ҳужумчи жорий мавсум Бундеслигада 6 та гол урди ва 3 та голли узатмани амалга оширди.
Олдинроқ Мукоко Лондоннинг "Челси" клубининг ҳам трансфер мақсадларидан бири эканлиги хабар қилинганди. “Кўклар” қишда футболчи сотиб олишга қарши эмас, шартнома муддати тугашига олти ой қолганда “Боруссия”га товон пули тўлаб беришади.
