"Барселона" матбуот хизмати ўз ижтимоий тармоқларида аргентиналик ҳужумчи Лионель Мессини жаҳон чемпионатидаги ғалабаси билан табриклади.
Каталония клуби ижтимоий тармоқларда фаолиятида илк бор жаҳон чемпионлигини қўлга киритган 35 ёшли аргентиналик футболчини табриклади.
"Биз сиз билан фахрланамиз", - дейилади Каталонияликларнинг расмий баёнотида.
Эслатиб ўтамиз, Лионель Месси Аргентина терма жамоаси билан биргаликда Қатардаги жаҳон чемпионати финалида французларни пенальтилар сериясида мағлуб этганди.