Аргентина терма жамоаси бош мураббийи Лионель Скалони Қатардаги жаҳон чемпионатидаги ғалаба ҳақидаги таассуротлари билан ўртоқлашди.
"Альбиселесте" кеча Франция терма жамоасини пенальтилар сериясида мағлуб этди (4:2) ва жаҳон чемпионлигини қўлга киритди.
"Бугунги ғалабадан кейин жуда ғурурландим ва ўзимни енгил ҳис қилдим. Бу жамоа мени фахрланишга мажбур қилмоқда, бу жамоанинг ғалабаси", - деди мураббий Аргентина терма жамоаси матбуот хизматига.
Эслатиб ўтамиз, Қатарда аргентиналиклар гуруҳ босқичининг 1-турида Саудия Арабистонига қарши турнирнинг илк ўйинида мағлуб бўлганди - 1:2. Аммо шундан сўнг улар бирорта ҳам мағлубиятга учрамади ва "С" гуруҳидан биринчи ўриндан чиқиб, плей-оффда Австралия, Нидерландия ва Хорватия термаларини мағлуб этишди.
