"Рома" бош мураббийи Жозе Моуриньо Португалия терма жамоасини бошқаришдан бош тортиши мумкин, деб хабар беради The Telegraph.

Манбага кўра, мутахассис терма жамоада ишлаш учун клуб мураббийи сифатидаги фаолиятини якунлаш мақсадга мувофиқлигига шубҳа қилмоқда, чунки бу ҳолда у интенсив ишларсиз қолиб кетади. Қолаверса, Моуриньо Португалиянинг совринларни юта олишига ишончи комил эмас. Бу борада мураббий тахминан 2023 йилнинг февралигача ўйлайди.

Эслатиб ўтамиз, Португалия терма жамоаси 2024 йилги Европа чемпионати саралаш турнирида Исландия, Словакия, Босния, Лихтенштейн ва Люксембург терма жамоалари билан ўйнайди.