Буюк Британия қироллик почтаси, Лондон Олимпиадасининг теннис мусобақаларида олтин медални қўлга киритган ҳамюртлари Энди Маррей шарафига янги почта маркаларини яратишди, дея хабар бермоқда АТР расмий сайти.
Ўтган куни британиялик теннисчи мусобақа финалида Роджер Федерерни мағлуб этиб, олтин медалларни қўлга киритганидан хабарингиз бор. Ушбу олтин медал британиялик теннисчилар учун узоқ 1908-йилги олимпиадада қўлга киритилган олтин медалдан сўнгги иккинчи медал эди.
Маррейнинг сурати туширилган махсус почта маркалари аллақачон Британия бўйлаб тарқалиб кетган.
