Мадриднинг «Реал» клуби ҳимоячиси Начо Фернандес жорий мавсум охирида ўз жамоасини тарк этиши мумкин. Marca хабарига кўра, томонлар ўзаро ҳамкорликнинг узайтирилишига шубҳа қилмоқда.
Аввалроқ Начо ўйин амалиёти камлигидан норозилиги ва энди захира ўриндиғида ўтиришга рози бўлмагани ҳақида хабарлар тарқалган эди. Катта эҳтимол билан футболчи мавсум якунида «Сантьяго Бернабеу»ни тарк этади.
Эслатиб ўтамиз, Начо «қаймоқранглилар» таркибида Чемпионлар лигасининг 5 та совринини қўлга киритган. Энди унинг жамоадаги келажаги сўроқ остида турибди.
