Madridning «Real» klubi himoyachisi Nacho Fernandes joriy mavsum oxirida o‘z jamoasini tark etishi mumkin. Marca xabariga ko‘ra, tomonlar o‘zaro hamkorlikning uzaytirilishiga shubha qilmoqda.
Avvalroq Nacho o‘yin amaliyoti kamligidan noroziligi va endi zaxira o‘rindig‘ida o‘tirishga rozi bo‘lmagani haqida xabarlar tarqalgan edi. Katta ehtimol bilan futbolchi mavsum yakunida «Santyago Bernabeu»ni tark etadi.
Eslatib o‘tamiz, Nacho «qaymoqranglilar» tarkibida Chempionlar ligasining 5 ta sovrinini qo‘lga kiritgan. Endi uning jamoadagi kelajagi so‘roq ostida turibdi.
