Донетцкнинг "Шахтёр" клуби ярим ҳимоячи Михайло Мудрикни қишки трансфер ойнасида сотишдан бош тортиши мумкин, деб хабар бермоқда The Times.
Манба берган хабарга кўра, Украина клуби хориж клублари "кончилар"нинг уруш сабабли молиявий муаммолари борлигидан хабардор бўлгани учун футболчини арзонлаштирилган нархда сотиб олишга ҳаракат қилади, деб ҳисобламоқда. Олдинроқ ярим ҳимоячига асосий даъвогар "Арсенал" экани хабар қилинганди.
Жорий мавсумда 21 ёшли Мудрик “Шахтёр” сафида 18 та ўйинда майдонга тушиб, 10 та гол урди ва 8 та голли узатмани амалга оширди. Унинг клуб билан шартномаси 2026 йилнинг 31 декабригача амал қилади.
