Donetskning "Shaxtyor" klubi yarim himoyachi Mixaylo Mudrikni qishki transfer oynasida sotishdan bosh tortishi mumkin, deb xabar bermoqda The Times.
Manba bergan xabarga ko‘ra, Ukraina klubi xorij klublari "konchilar"ning urush sababli moliyaviy muammolari borligidan xabardor bo‘lgani uchun futbolchini arzonlashtirilgan narxda sotib olishga harakat qiladi, deb hisoblamoqda. Oldinroq yarim himoyachiga asosiy da’vogar "Arsenal" ekani xabar qilingandi.
Joriy mavsumda 21 yoshli Mudrik “Shaxtyor” safida 18 ta o‘yinda maydonga tushib, 10 ta gol urdi va 8 ta golli uzatmani amalga oshirdi. Uning klub bilan shartnomasi 2026 yilning 31 dekabrigacha amal qiladi.