Tarkibida yulduz portugaliyalik Krishtianu Ronaldu to‘p suradigan Saudiyaning "An-Nasr" klubi jiddiy moliyaviy qiyinchiliklarga duch kelmoqda. Bu haqda Arriyadiyah xabar berdi.
Birinchi jamoa futbolchilarining bir qismi iyun oyi uchun maoshlarini to‘liq olmagan. Klub qolgan qarzdorlikni keyinroq bartaraf etishni rejalashtirmoqda.
Moliyaviy vaziyat transfer kampaniyasiga ham ta’sir qildi. "An-Nasr" hamon shartnomasi tugaganidan so‘ng jamoani tark etgan yarim himoyachi Marselo Brozovichning o‘rnini bosuvchini topish bo‘yicha rasmiy muzokaralarni boshlamadi.
2026-27 yilgi mavsumda yangi bosh murabbiy Ange Postekoglu boshchiligidagi "An-Nasr" Saudiya Arabistoni chempionati, Qirol kubogi, mamlakat Superkubogi va Elit Osiyo chempionlar ligasida ishtirok etadi. "An-Nasr" amaldagi mamlakat chempioni hisoblanadi.
