«Chelsi»ning 22 yoshli yarim himoyachisi Andrey Santos «Manchester Yunayted» safiga o‘tdi. «Qizil iblislar» braziliyalik futbolchining transferi haqida klub rasmiy sayti orqali ma’lum qildi.

Tomonlar 2031 yilgacha mo‘ljallangan va uzaytirish imkoniyatini nazarda tutuvchi shartnoma imzolashdi.

Avvalroq OAV ushbu transfer summasi 50 million funt sterling (58,5 million yevro)ni tashkil etishi haqida xabar bergan edi.

Santos 2023 yil yanvaridan buyon «Chelsi» futbolchisi hisoblanadi. O‘tgan mavsumda yarim himoyachi barcha musobaqalarda 43 ta o‘yinda qatnashib, 3 ta gol urdi va 4 ta golli uzatmani amalga oshirdi. Transfermarkt ma’lumotlariga ko‘ra, futbolchining bozor qiymati 40 million yevroni tashkil etdi.