Argentina terma jamoasi yarim himoyachisi Leandro Paredes JCH-2026 chorak finali doirasidagi Shveysariyaga qarshi o‘yinda (3:1) hujumchi Breel Emboloning chetlatilishiga munosabat bildirdi.
Uchrashuv bosh hakami Joau Pinyeyru dastlab Embologa nisbatan ishlatilgan qo‘pollik uchun Paredesga sariq kartochka ko‘rsatgan edi. Biroq takroriy lavhani ko‘rib chiqqandan so‘ng, hakam qarorini o‘zgartirdi: argentinalik futbolchiga berilgan ogohlantirishni bekor qilib, shveysariyalik o‘yinchiga simulyasiya uchun sariq kartochka ko‘rsatdi. Ushbu kartochka Embolo uchun o‘yindagi ikkinchisi bo‘ldi.
«Bu yerda nima haqida bahslashish mumkinligini tushunmayapman. Qoidalar aniq. Raqib o‘yinchisi simulyasiya qildi, men unga tegmadim. Qaror to‘g‘ri qabul qilindi», – dedi Paredes.
