Аргентина терма жамоаси ярим ҳимоячиси Леандро Паредес ЖЧ-2026 чорак финали доирасидаги Швейцарияга қарши ўйинда (3:1) ҳужумчи Бреэль Эмболонинг четлатилишига муносабат билдирди.
Учрашув бош ҳаками Жоау Пиньейру дастлаб Эмболога нисбатан ишлатилган қўполлик учун Паредесга сариқ карточка кўрсатган эди. Бироқ такрорий лавҳани кўриб чиққандан сўнг, ҳакам қарорини ўзгартирди: аргентиналик футболчига берилган огоҳлантиришни бекор қилиб, швейцариялик ўйинчига симуляция учун сариқ карточка кўрсатди. Ушбу карточка Эмболо учун ўйиндаги иккинчиси бўлди.
«Бу ерда нима ҳақида баҳслашиш мумкинлигини тушунмаяпман. Қоидалар аниқ. Рақиб ўйинчиси симуляция қилди, мен унга тегмадим. Қарор тўғри қабул қилинди», – деди Паредес.
