Madridning «Real» klubi 2026/27 yilgi mavsum uchun sardorlarni aniqlab oldi. Score90 portali ma’lumotlariga ko‘ra, jamoaning asosiy sardori Federiko Valverde bo‘ladi.

Ro‘yxatda undan keyin Vinisius Junior, Tibo Kurtua va Rodrigo Goes qayd etilgan. Goes jarohati tufayli mavsumning bir qismini o‘tkazib yuborishi sababli, uning o‘rnini Andrey Lunin egallaydi.

O‘tgan mavsumda Madrid klubining asosiy sardori himoyachi Dani Karvaxal edi. Valverde, Kurtua va Vinisius Junior uning o‘rinbosarlari hisoblanishgan. 34 yoshli Karvaxal «Real» safida 451 ta o‘yin o‘tkazgach, 30 iyun kuni shartnomasi yakunlanganidan so‘ng jamoani tark etdi. Hozirda u erkin agent hisoblanadi.