Chorshanba kuni, 15 iyul kuni 2026 yilgi jahon chempionatining yarim final uchrashuvi doirasida Argentina va Angliya terma jamoalari to‘qnash kelishadi. Taniqli jurnalist Gaston Edulning xabar berishicha, «albiseleste» vakillari FIFAga inglizlarga qarshi bahsda mehmon formasida o‘ynashga ruxsat berishni so‘rab murojaat qilishgan. Yakuniy qaror seshanba kuni qabul qilinadi.

Argentina terma jamoasi 1/4 finalda Shveysariyani qo‘shimcha vaqtlardan so‘ng mag‘lub etdi (3:1), undan avval esa Misr va Kabo-Verde termalarini bir xil — 3:2 hisobida taslim etgan edi. Finalda argentinaliklar va inglizlar o‘rtasidagi to‘qnashuv g‘olibi 14 iyul kuni final yo‘llanmasi uchun bahs olib boradigan Fransiya yoki Ispaniya jamoalaridan biri bilan kuch sinashadi.