"Барселона"нинг польшалик ҳужумчиси Роберт Левандовски "Golden Foot" фахрий мукофотига сазовор бўлди.
Бу мукофот ҳар йили 28 ёшдан ошган футболчига берилади. Ғолиб журналистлар ўртасидаги овоз бериш натижаларига кўра аниқланади. Илгари у Криштиану Роналду, Муҳаммад Салоҳ, Лука Модрич, Андрес Иньеста, Златан Ибраҳимович, Роналдиньо, Андрий Шевченко, Роналдо ва бошқа машҳур футболчиларга топширилган.
34 ёшли Левандовски жорий мавсумда “Барселона” ва Польша терма жамоаси сафида барча мусобақаларда 28 та ўйинда майдонга тушиб, 21 та гол урди ва 7 та голли узатмани амалга оширди.
