Франциялик мухлислар Франция ва Аргентина терма жамоалари ўртасидаги 2022 йилда Қатарда бўлиб ўтган жаҳон чемпионати финали ўйинини қайта ўтказишни талаб қилиб, онлайн петиция яратишди.
Мурожаат Франциянинг махсус MesOpinions сайтида яратилган бўлиб, муаллифлар “сотқин ҳакамлик” билан боғлиқ ҳолда финал ўйинини такрор ўтказишга чақирмоқда. Мурожаат кўриб чиқиш учун Халқаро футбол федерациясига (ФИФА) юборилиши режалаштирилган. Бугунги кунга қадар 196 мингдан ортиқ киши жаҳон чемпионати финалини такрорий ўтказиш бўйича сўровни имзолаган.
2022 йилда Қатарда бўлиб ўтган жаҳон чемпионатидаги ғалаба Франция терма жамоаси учун кетма-кет иккинчи, тарихда эса учинчиси бўлиши мумкин эди. Дидье Дешам шогирдлари асосий вақтда 0:2 ҳисобида ортда бораётиб, якунда ҳисобни 2:2 қилишди. Қўшимча бўлимларда ҳам французлик гол ўтказиб юборган бўлишига қарамай, Килиан Мбаппенинг саъй-ҳаракатлари эвазига яна ҳисобни тенглаштиришга муваффақ бўлди. Пенальтилар сериясида Франция 2:4 ҳисобида мағлуб бўлди.
