Fransiyalik muxlislar Fransiya va Argentina terma jamoalari o‘rtasidagi 2022 yilda Qatarda bo‘lib o‘tgan jahon chempionati finali o‘yinini qayta o‘tkazishni talab qilib, onlayn petisiya yaratishdi.

Murojaat Fransiyaning maxsus MesOpinions saytida yaratilgan bo‘lib, mualliflar “sotqin hakamlik” bilan bog‘liq holda final o‘yinini takror o‘tkazishga chaqirmoqda. Murojaat ko‘rib chiqish uchun Xalqaro futbol federasiyasiga (FIFA) yuborilishi rejalashtirilgan. Bugungi kunga qadar 196 mingdan ortiq kishi jahon chempionati finalini takroriy o‘tkazish bo‘yicha so‘rovni imzolagan.

2022 yilda Qatarda bo‘lib o‘tgan jahon chempionatidagi g‘alaba Fransiya terma jamoasi uchun ketma-ket ikkinchi, tarixda esa uchinchisi bo‘lishi mumkin edi. Didye Desham shogirdlari asosiy vaqtda 0:2 hisobida ortda borayotib, yakunda hisobni 2:2 qilishdi. Qo‘shimcha bo‘limlarda ham fransuzlik gol o‘tkazib yuborgan bo‘lishiga qaramay, Kilian Mbappening sa’y-harakatlari evaziga yana hisobni tenglashtirishga muvaffaq bo‘ldi. Penaltilar seriyasida Fransiya 2:4 hisobida mag‘lub bo‘ldi.