Дортмунднинг "Боруссия" клуби ҳужумчиси Юссуф Мукоко қишда "Барселона"га ўтиши мумкин.
Журналист Жерар Ромеро ёзганидек, каталонияликлар ҳаттоки бу борада Ла Лига билан маслаҳатлашишган.
Ташкилот 18 ёшли ҳужумчининг трансферини амалга оширишнинг иложи йўқлигини, чунки клуб молиявий фейр-плей қоидаларини бузганини таъкидлади.
"Барселона" ёзда Мукоко вариантига қайтиб, уни текинга ўз сафига қўшиб олиши кутилмоқда.
Жорий мавсумда Мукоко Бундеслиганинг 12 та учрашувида 6 та гол ва 3 та голли узатмага муаллифлик қилди.
