"Манчестер Юнайтед"нинг собиқ ҳимоячиси Патрис Эвра "қизил иблислар" қандай позицияларни яхшилаши кераклигини айтди.
“Сиз ҳар доим кучайишни кутасиз, аммо клуб ваҳима ичида трансфер ойнасига кириб, мухлислар ва ОАВ буни талаб қилгани учун футболчиларни сотиб олмаслиги керак. Жамоа анча яхши ўйнаши учун рўйхатда ниманидир ўзгартириши керак.
Ҳужумчи керак, албатта ҳимоячи ҳам. Бизга тажрибали ярим ҳимоячи ҳам керак. Қолаверса, ушбу трансфер ойнаси футболчилардан қайси бири "МЮ"ни тарк этишига боғлиқ бўлади", - дейди Эвра.
"Манчестер Юнайтед" 15 ўйиндан кейин 29 очко билан АПЛда 5-ўринда бормоқда. Жамоа Англия чемпионатининг 18-тури доирасидаги навбатдаги ўйинни 31 декабрь куни “Вулверхэмптон”га қарши ўтказади.
