Франция терма жамоаси ва "ПСЖ" ҳужумчиси Килиан Мбаппе ЖЧ-2022 финалидан кейин жамоадоши ва Аргентина терма жамоаси ҳужумчиси Лионель Месси билан нималар ҳақида гаплашганини айтди.
“Мен Лео билан жаҳон чемпионати финалидан кейин гаплашдим. Мен уни ғалабаси билан табрикладим. Бу мен учун бўлгани каби унинг учун ҳам ҳаётининг мақсади эди, лекин мен муваффақиятсизликка учрадим. Шунинг учун мен яхши ўйинчи бўлишда давом этишим керак", - дея Мбаппенинг сўзларини келтиради Sportskeeda.
ЖЧ-2022 финал учрашувида Аргентина терма жамоаси Францияни мағлуб этди (3:3, пенальтилар - 4:2). Ушбу учрашувда 35 ёшли Месси иккита гол урди ва пенальтилар сериясида зарбасини муваффақиятли амалга оширди. Аргентиналик футболчи турнирнинг энг яхши футболчиси деб топилди.
