"Барселона" ва Германия терма жамоаси дарвозабони Марк-Андре Тер Штеген Каталония клубидаги фаолияти ҳақида гапирди.
“Яна кўп йиллар ўйнашни истайман. "Барса" ҳозир шахсан мен учун энг зўр клуб ва мен шу йиллар давомида бу формани кийганимдан фахрланаман. Мен хурсандман, чунки одамлар менга жуда яхши муносабатда бўлишади, улар мени шахсан ҳам, оиламга нисбатан ҳам жуда ҳурмат билан муносабат қилишади. Ҳозир бу ер мен учун энг зўр жой”, - дея Тер Штеген сўзларини келтиради Mundo Deportivo.
Немис дарвозабони 2014 йилдан буён "Барселона"да ўйнаб келмоқда. 30 ёшли дарвозабоннинг "кўк-анорранглилар" билан амалдаги шартномаси 2025 йилнинг ёзига қадар мўлжалланган.
Тер Штеген жорий мавсумда Каталония клуби сафида 14 та ўйинда майдонга тушиб, 11 та ўйинда дарвозаси дахлсизлигини сақлаб қолди.
