Италиянинг «Торино» клуби бош мураббий Иван Юрич билан шартномани узайтириш ниятида. Бу ҳақда Calciomarceto ёзади.
Манбанинг ёзишича, бош мураббий энди бор эътиборини трансфер бозоридаги ишларга қаратган. Европада трансфер ойнаси 1 январда очилади.
Жорий мавсумда «Торино» клуб учун яхши натижаларни кўрсатмоқда ва А Серия турнир жадвалининг тўққизинчи поғонасида бормоқда, жамоа 15 турдан кейин 21 очкога эга. Хорватиялик Никола Влашич тўртта гол урган ҳолда жамоанинг жорий мавсумдаги энг яхши тўпурари бўлиб турибди. Юрич клубни 2021 йилнинг май ойидан буён бошқариб келмоқда.
Италия чемпионатининг навбатдаги ўйинида туринликлар лига аутсайдери - «Верона» билан учрашади.
