"Манчестер Сити" ярим ҳимоячи Жек Грилишни "Милан"га юбориши мумкин.
Calciomercato хабарига кўра, инглиз клуби Италия жамоаси вингери Рафаэль Леауни қўлга киритиш учун 27 ёшли футболчидан воз кечишга тайёр.
Бироқ, манбага кўра, "Милан" Грилишнинг ҳозирдаги ўйинида қониқмаяпти.
Англиялик футболчи жорий мавсумда “Сити” сафида Премьер-лигада 9 та ўйинда майдонга тушиб, битта гол урди ва битта голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.