«ПСЖ» маслаҳатчиси Луиш Кампуш ҳозирги лавозимини тарк этиш ниятида эмас. Аввалроқ португалиялик Туриннинг «Ювентус» клуби спорт директори лавозимига тайинланиши мумкинлиги ҳақида миш-мишлар тарқалган эди, аммо бу миш-мишлар ҳақиқатга тўғри келмайди.
Журналист Адриен Греньернинг сўзларига кўра, Кампуш Париждаги фаолиятидан тўлиқ қониқиш ҳосил қилади ва ҳеч қаерга кетмайди.
Эслатиб ўтамиз, Луиш ўз лавозимига фақат шу йилнинг ёзида тайинланган эди, бунга қадар у Испаниянинг «Сельта» жамоасида ҳам ишлаган.
Кампуш ҳозирда «ПСЖ» учун кейинги трансферларни режалаштирмоқда. Айни дам парижликлар иккинчи ўриндан 7 очко фарқи билан ўз чемпионатида пешқадамлик қилмоқда.
