Бельгия терма жамоаси янги бош мураббий излашда давом этмоқда.
Voetbal Primeur нашрининг хабар беришича, бу лавозимга Рафаэль Бенитес ва Андре Виллаш-Боаш номзодлар кўрилмоқда.
Ҳозирда иккала мутахассис ҳам жамоада ишламаяпти. Бенитеснинг сўнгги клуби "Эвертон" бўлиб, у 2022 йилнинг январида истеъфога чиқарилган, Виллаш-Боаш эса 2021 йилнинг февралида "Марсел"ни тарк этганди.
Бельгия терма жамоасини 2016 йилдан буён бошқариб келган собиқ бош мураббий Роберто Мартинес ЖЧ-2022ни тарк этганидан кейин жамоани тарк этди.
Бельгия Қироллик футбол ассоциацияси (RBFA) 10 январдан эрта бўлмаган ҳолда миллий терма жамоага янги бош мураббийни тайинлаш бўйича фаол иш бошлайди.
