"Барселона" президенти Жоан Лапорта ўз баёнотларида мунтазам равишда Хавини қўллаб-қувватлайди.

Бироқ Каталония клуби бу мавсумда жамоа ёмон ўйин кўрсатса, бош мураббийни алмаштириш ҳақида ўйлаши мумкин. Бу ҳақда Calciomercatoweb ўз саҳифаларида хабар тарқатмоқда.

Манба берган хабарга кўра, "Барселона" Хавининг ўрнига германиялик таниқли мураббий Томас Тухель вариантини кўриб чиқмоқда. Куз бошида бу мутахассис "Челси"дан ҳайдалгач, ишсиз қолганди.

Айни дамда "Барселона" Испания чемпионати турнир жадвалида "Реал” билан бирга пешқадамлик қилмоқда.