Мадриднинг «Реал» клуби «РБ Лейпциг» вингери Ян Диомандега даъвогарлик қилаётган жамоалар рўйхатига қўшилди.
«Қироллик клуби» раҳбарияти Майкл Олисенинг «Бавария»дан трансферини амалга ошириш осон бўлмаслигини тушуниб турибди, шу сабабли бозордаги бошқа вариантларни ўрганмоқда. Transfer News Live нашрининг El Debateга таяниб хабар беришича, Диоманде муқобил вариант сифатида белгиланган. «Қаймоқранглилар» скаутлар бўлими раҳбари Хуни Калафат ивуарлик (Кот-д'Ивуар) футболчининг ЖЧ-2026даги ўйинларини бевосита кузатиб бормоқда.
Ян Диомандега шунингдек, «Ливерпуль» ва «ПСЖ» клублари ҳам қизиқиш билдирмоқда, бироқ 19 ёшли футболчининг ўзи «Реал»га ўтишни афзал кўради. «РБ Лейпциг» эса ушбу порлаётган юлдузининг сотувидан камида 120 миллион евро ишлаб олишни мақсад қилган.
