"Барселона" ҳужумчиси Роберт Левандовски "Атлетико"га қарши Испания чемпионатининг 16-тур учрашуви учун жамоа қайдномасига киритилмаган. Польшалик ҳужумчи дисквалификация туфайли учрашувни ўтказиб юборади.
Левандовски "Осасуна" билан 14-тур учрашувида қизил карточка олганди. Кейинчалик қоидабузарликдаги қўполлик учун унинг дисквалификацияси учта ўйинга оширилди. Бироқ Ла Лиганинг кейинги ўйинида у майдонга тушди, чунки унинг дисквалификацияси тергов давом этаётган вақтда "музлатиб қўйилганди". Кейинроқ маълум бўлишича, суд Левандовскининг дисквалификациясини ўз кучида қолдирган: у учта ўйинни ўтказиб юборади.
"Атлетико" ва "Барселона" ўртасидаги учрашув эртага, 8 дан 9 январга ўтар кечаси бўлиб ўтади. Бошланиши - Тошкент вақти билан 01:00 да.
