"ПСЖ"нинг собиқ футболчиси Хавьер Пасторе парижликлар таркибида Лионель Месси билан бирга ўйнай олмагани ҳақида гапирди.
Эслатиб ўтамиз, 33 ёшли ярим ҳимоячи 2011 йилдан 2018 йилгача "ПСЖ" шарафини ҳимоя қилган.
Пасторе Le Parisien нашрига Лионель Месси ва Килиан Мбаппе билан бирга ўйнаш ҳар бир футболчининг орзуси эканлигини айтди. Бундай футболчилар билан машғулот ўтказиб, кейин бу ҳақда болаларга айтиб бериш катта совға бўларди, деди ярим ҳимоячи.
Шу билан бирга, Пасторе "ПСЖ" унга кўп нарса берганини, клубда машҳур бўлиб, Аргентина терма жамоасида ўз ўрнини топишига ёрдам берганини таъкидлади.
Айни дамда Пасторе эркин агент, унинг сўнгги клуби 6 январь куни тарк этган "Эльче" эди.
