Давид Алаба "Бавария"даги собиқ жамоадоши Мануэль Нойернинг жароҳати ҳақида гапирди.

"Мен Мануэлнинг жароҳатидан бир неча кун ўтиб, у билан WhatsApp орқали боғландим. У жуда ижобий ва келажакка тайёр эди. Мен Мануэлни жуда яхши биламан, у фаолиятида жароҳатдан кейин доимо қайтишини ва кўпинча аввалгидан ҳам кучлироқ эканлигини кўрсатди.

Мен у буни яна қилишига ишонаман. У бунинг устида ҳар куни 100 фоиз ишлайди. Мануэль ўн йилни энг юқори савияда ўтказди, у бутун дарвозабонлар авлодининг ўйинини ўзгартирди”, — деди 2010 йилдан 2021 йилгача “Бавария”да ўйнаган “Реал” ҳимоячиси.

Нойер таътил пайтида жароҳат олди, у чанғи учаётганда оёғини синдириб олди. Шу тариқа "Бавария" дарвозабони мавсумнинг қолган қисмида сафдан чиқди.