"Манчестер Сити" вингери Риёд Маҳрез Англия кубоги доирасида "Челси" устидан қозонилган ғалабадан сўнг (4:0) ўз фикрларини билдириб ўтди.

Жазоирлик футболчи 23 ва 85-дақиқаларда гол урди.

"Биринчи пенальтини тепмоқчи эдим, лекин Хулиан Альварес мендан пенальтини беришимни сўради ва мен рози бўлдим. У ҳужумчи, голлар унинг учун жуда муҳим. Бу фойдали бўлади деб ўйлайман. Якунда мен ўзим пенальтини тепмоқчи бўлдим ва буни амалга оширдим.

Ажойиб натижа. Биз йирик ҳисобда ғалаба қозондик ва гол ўтказиб юбормадик. Барча турнирларда ўйнашни давом эттириш жуда зўр натижа", - деди Маҳрез BBC билан суҳбатда.