Ўзбекистон Вазирлар Маҳкамаси 2 август куни Тошкент шаҳрида қурилаётган "Бунёдкор" стадионидан фойдаланишни таъминлаш чора-тадбирлари ҳақида буйруқ чиқарди.

Ушбу ҳужжатга кўра, "Бунёдкор" клуби қошида  стадион бинолари ва иншоотларидан фойдаланиш бўйича юридик шахс мақомига эга бўлган Дирекция тузилади.

Ўз таркибига 12 кишилик маъмурий-бошқарув аъзолари билан умумий 247 кишилик штатга эга  дирекциянинг ташкилий структураси Буйруқ билан маъқулланган.

Стадион   34 минг ўринли арена (жумладан 1700та  VIP-ўрин), инженерлик ва телекоммуникацион бинолар ва болалар-ўсмирлар мактабини ўз ичига олган.

Арена таркибида конференц-зал, музей, умумий овқатланиш жойлари, савдо павильонлари, тиббий пунктлар ва ерости автомобиль сақлаш жойлари бор.

120 ўринли болалар ва ўсмирлар футбол мактаби  ўқув корпуси, ётоқхона, овқатланиш корпуси, сузиш ҳавзаси, тренажер зали, учта сунъий ва тўртта табиий машғулот майдонлари, спорт зали ва тиббий марказдан иборат.

Буйруқга кўра, дирекциянинг молиявий фаолияти, шунингдек, "Бунёдкор" стадионидан фойдаланиш "Ўзтрансгаз" компаниясининг ва"Бунёдкор" ФКнинг маблағлари ҳисобига ва дирекциянинг ўз даромадлари, қонунчилик билан маън қилинмаган манбалар ҳисобига юритилади.

Мамлакат футбол федерацияси ва "Бунёдкор" ФК билан биргаликда Маданият ва спорт ишлари Вазирлиги ва Тошкент шаҳар ҳокимиятига бир ой давомида Вазирлар маҳкамасига стадиондан унумли фойдаланиш ҳақида қатор чора-тадбирларини топшириш юклатилди. 

Ҳужжат ўз ичига ўйинларга хизмат кўрсатиш чора-тадбирларини ва "Бунёдкор" ФК тадбирларини, стадионда республика ва ҳалқаро мусобақа ва тадбирлариини, клуб қошида  БЎФМ юртишни, шунингдек, пойтахт аҳолисининг, ўсмирлар ва ёшларининг ва айниқса болаларнинг жисмоний тарбия ва спорт билан шуғулланиши шароитларини ҳисобга олиши зарур.