Лиссабоннинг "Спортинг" клуби мавсум ўртасида футболчи билан хайрлашишни истамаганига қарамай, "Челси" клуби ҳимоячиси Педро Поррони қишда сотиб олиши мумкин.
Журналист Бен Жейкобснинг ижтимоий тармоқларда хабар беришича, "кўклар" испаниялик футболчи учун "Тоттенхэм" билан рақобатлашишга тайёр. Чунки, Порро "Челси"нинг ўнг қанот ҳимоясидаги устувор вазифаси бўлиб турибди.
"Челси" Порронинг "Спортинг" билан шартномасида кўрсатилган товон пулини тўлаб, 23 ёшли Педрони ўз сафига қўшиб олиши мумкин. Лекин, товон пули қанча миқдорда кўрсатилгани ҳали номаълум.
"Челси" тез-тез жароҳат олиб юрадиган Рис Жеймснинг ўрнига ўнг қанот ҳимоячиси қидирмоқда.
Аввалроқ, Поррога "Барселона" ҳам қизиқиш билдираётгани ҳақида хабарлар тарқалганди.