Матеус Фернандес "Барселона"га қарши судда ғалаба қозонди ва шартномани бекор қилгани учун 8,5 миллион евро олади.
2021 йилнинг июнь ойида Каталония клуби ярим ҳимоячига унинг хизматларига муҳтож эмаслигини маълум қилди ва 2025 йилнинг ёзига қадар амал қиладиган шартномани бекор қилди. 2020 йилнинг қишида у “Палмейрас”дан 7+3 миллион еврога сотиб олинганди.
Матеус бу ҳақда шундай деди: "Мен электрон почта хабарномасини олганимда ишонмадим. Бу нопрофессионалликдир”.
Энди Cadena SER нашри хабарига кўра, бразилиялик футболчи "Барселона"га қарши баҳсда ғалаба қозонган. Матеус шартномани ноқонуний бекор қилгани учун Каталония клубидан 8,5 миллион евро товон пули олади, гарчи у "Барселона"дан 14,8 миллион эвро ундиришни талаб қилган бўлса-да.
"Барселона" сафида Матеус Киевнинг "Динамо" жамоасига (4:0) қарши ўйинда атиги 17 дақиқа ҳаракат қилди. У бошқа ўйнамади.
