«Лилль» ва Марокаш терма жамоаси ярим ҳимоячиси Аюб Буадди яна бир топ-клуб — «Манчестер Сити»нинг радарига тушди.
Инсайдер Маттео Мореттонинг хабар беришича, «шаҳарликлар» 18 ёшли футболчига жиддий қизиқиш билдирмоқда. Англия гранди потенциал трансферни муҳокама қилиш учун аллақачон «Лилль» билан алоқага чиққан. «Сити» вакиллари вазиятни диққат билан кузатишда давом этишади.
Аюб Буаддига бўлган даъвогарлар қаторида аввалроқ «Арсенал», «Ливерпуль», «ПСЖ», Мадриднинг «Реал»и ва бошқа нуфузли клублар тилга олинган эди. Миш-мишларга кўра, ЖЧ-2026 гуруҳ босқичи ўйинларида порлаган ярим ҳимоячи учун «Лилль» тахминан 80 миллион евро талаб қилиши мумкин.













