«Манчестер Юнайтед» ўз таркибини кучайтириш режаларини тузмоқда. El Nacional нашри Goal’га таяниб хабар беришича, «қизил иблислар» «Барселона»нинг ҳужумкор ярим ҳимоячиси Фермин Лопесга қизиқиш билдирмоқда.

Манчестерликлар Лопес учун катта маблағ — 150 миллион евро тўлашга тайёр. Шунга қарамай, «Барселона» Фермин билан хайрлашишни режалаштирмаяпти. 23 ёшли футболчининг ўзи ҳам жонажон клубини тарк этиш ниятида эмас.

Футболчининг позициясини ҳисобга олганда, «Манчестер Юнайтед» Лопесни ҳатто товон пули бандини фаоллаштириш орқали ҳам қўлга киритиши қийин бўлади.

2026/2027 йилги мавсумда Фермин Лопес еттита учрашувда майдонга тушиб, тўртта гол урди ва иккита голли узатмани амалга оширди.