Италия кубогининг 1/8 финали босқичида «Милан» 11 январь, чоршанба куни ўз уйида «Торино»ни қабул қилди.

Баҳснинг биринчи бўлимида миланликлар 4та голга тортадиган вазиятдан фойдалана олишмаган бўлса, иккинчи бўлимда улар яна 3та вазиятни кўкка совуришди. Кўп вазиятларда туринликлар посбони Ваня Милинкович-Савич ажойиб ҳаракат қилди.

70-дақиқада «Торино» аъзоси Коффи Жижи иккинчи сариқ карточка олиб, майдонни тарк этди ва қолган дақиқаларда туринликлар бир киши кам бўлиб ўйнади.

Қўшимча бўлимларда ҳам "россонери" устунлик қилган бўлса-да, 114-дақиқада "Торино" ўзининг ягона имкониятини голга айлантирди. Байейе ўнг қанотдан олдинга ўтиб дарвозага яқинига узатма берди. Мишел Адопо эса 5 метар масофадан дарвозани ишғол қилди.

Шу тариқа, "Милан" аламли тарзда мағлубиятга учраб, мусобақани тарк этди.

Италия кубоги, нимчорак финал
11 январь, чоршанба
«Милан» – «Торино» 0:1
Гол: 0:1 — 114 Адопо
«Милан»: Тетерушану, Томори, Габбия (Эрнандес, 77), Калулу, Дест (Калабрия, 111), Салемакерс (Рафаэл Леау, 67), Браим Диас (Мессиас, 67), Побега (Жиру, 77), Тонали, Вранкс (Беннасер, 83), де Кетеларе.
«Торино»: Милинкович-Савич, Синго (Баее, 111), Жижи, Схюрс, Буонжорно, Родригес (Линетти, 81), Миранчук (Сек, 90), Влашич (Войвода, 81), Лукич, Риччи (Адопо, 90), Санабрия (Зима, 71).
Огоҳлантиришлар: Жижи (14), Милинкович-Савич (90), Линетти (109).
Четлатиш: Жижи (70).