Italiya kubogining 1/8 finali bosqichida «Milan» 11 yanvar, chorshanba kuni o‘z uyida «Torino»ni qabul qildi.

Bahsning birinchi bo‘limida milanliklar 4ta golga tortadigan vaziyatdan foydalana olishmagan bo‘lsa, ikkinchi bo‘limda ular yana 3ta vaziyatni ko‘kka sovurishdi. Ko‘p vaziyatlarda turinliklar posboni Vanya Milinkovich-Savich ajoyib harakat qildi.

70-daqiqada «Torino» a’zosi Koffi Jiji ikkinchi sariq kartochka olib, maydonni tark etdi va qolgan daqiqalarda turinliklar bir kishi kam bo‘lib o‘ynadi.

Qo‘shimcha bo‘limlarda ham "rossoneri" ustunlik qilgan bo‘lsa-da, 114-daqiqada "Torino" o‘zining yagona imkoniyatini golga aylantirdi. Bayeye o‘ng qanotdan oldinga o‘tib darvozaga yaqiniga uzatma berdi. Mishel Adopo esa 5 metar masofadan darvozani ishg‘ol qildi.

Shu tariqa, "Milan" alamli tarzda mag‘lubiyatga uchrab, musobaqani tark etdi.

Italiya kubogi, nimchorak final
11 yanvar, chorshanba
«Milan» – «Torino» 0:1
Gol: 0:1 — 114 Adopo
«Milan»: Teterushanu, Tomori, Gabbiya (Ernandes, 77), Kalulu, Dest (Kalabriya, 111), Salemakers (Rafael Leau, 67), Braim Dias (Messias, 67), Pobega (Jiru, 77), Tonali, Vranks (Bennaser, 83), de Ketelare.
«Torino»: Milinkovich-Savich, Singo (Bayee, 111), Jiji, Sxyurs, Buonjorno, Rodriges (Linetti, 81), Miranchuk (Sek, 90), Vlashich (Voyvoda, 81), Lukich, Richchi (Adopo, 90), Sanabriya (Zima, 71).
Ogohlantirishlar: Jiji (14), Milinkovich-Savich (90), Linetti (109).
Chetlatish: Jiji (70).