Кеча бўлиб ўтган Испания Суперкубоги финал учрашувида Мадриднинг "Реал" клуби каталониялик "Барселона" билан учрашди. Карло Анчелотти жамоаси 1:3 ҳисобида мағлуб бўлди.
“Қироллик” клубидаги ягона гол муаллифи франциялик марказий ҳужумчи Карим Бензема бўлди. У учрашувнинг энг сўнггида гол урди. Бу тўп Карим учун "Эль Класико"даги 13-гол бўлди. "Реал" ва "Барселона" ўртасидаги ўйинлардаги голлар сони бўйича франциялик футболчи саккизинчи ўринга кўтарилиб олди.
Бу кўрсаткич бўйича аргентиналик Лионель Месси 26 та гол билан етакчилик қилмоқда. Иккинчи ва учинчи ўринларни Криштиану Роналду ва Альфредо ди Стефано бўлишиб туради. Уларнинг ҳар бирида 18тадан гол бор.
