Россиянинг "СЭ Интернет" нашри таҳририятига "Локомотив" клуби мухлисларидан мурожаат келиб тушди. Махачқалъанинг "Анжи" клуби Евролиганинг 4-саралаш босқичида Голландиянинг "АЗ" клубини айнан "Черкизово" стадионида қабул қилиши мумкин, бунга "Локо" иқибозлари рози эмас.
"Локомотив" ишқибозлари ҳамжамияти Европа лигасининг "Анжи"-"АЗ" ўйини "Локо"нинг уй аренаси - "Черкизово"да ўтиши мумкинлиги ҳақидаги хабарни жуда ёқимсиз кайфиятда кутиб олди, - дейилади мурожаатда. - Авваллари бу каби ҳолатларда мухлислар фикри ҳам ҳисобга олинар эди, шу йилнинг баҳорида ОАВ орқали "стадионни ижарага бериш орқали ишлаб топиладиган пуллар, "бегоналар"ни ўз уйимизга қўйишга арзимайди" деб жар солинган эди. Энди эса мухлислар ОАВ орқали собиқ бош мураббий Юрий Красножаннинг жанжалли истеъфосига сабаб бўлган жамоанинг бизнинг уйимизда ўйнаши мумкинлигини билмоқдалар. Яна бу ерда "Анжи" ва Москва клублари ишқибозлари ўртасидаги кескин қарама қаршилик ҳисобга олинмаган. Шунингдек, сўнги пайтларда Черкизоводаги майдон сифатининг муаммолари ҳақида унутмаслик керак, бу бизга бир неча очкога тушган, жамоа эса икки йил (!) кетма-кет баҳорги уй ўйинларини "Лужники"да бошлаган. Энди эса, Москвада майдон учун хавфли бўлган ёмғирли мавсум бошлангач, клуб ўз қўллари билан муаммоларни чуқурлаштирмоқда.
Ольга Юрьевна,(Ольга Смородская - "Локо" президенти - std.uz) Сиздан клубимиз учун "шармандали" бўлган ушбу келишувни имзоламаслигингизни сўраймиз ва келажакда ҳам бу каби таклифларни кўриб чиқмасликни тавсия қиламиз.
Биз ҳаммамиз еврокубок баҳсларини жонажон стадионимизда кўришни хоҳлаймиз ва фақат "Локомотив" иштирокида. Бизнинг олдимизда Европа сари узоқ ва оғир кураш турибди".
