"Манчестер Юнайтед"нинг собиқ сардори Рой Кин Англия Премьер-лигасининг мавсумида Лондоннинг "Арсенал" жамоаси етакчилиги ҳақида фикр билдирди.
"Ҳозир "канонирлар" қулай ҳолатда. Жамоада агрессия бор, улар майдонда нима қилиш кераклигини тушунишади. "Арсенал"ни тўхтатиш учун рақибларга катта куч керак бўлади. "Манчестер Юнайтед"га қарши баҳсда лондонликлар босимни яхши уддалашди. Микель Артетанинг жамоаси чемпионлик учун ажойиб имкониятларга эга”, - деди Кин Daily Mail билан суҳбатда.
Ғалабадан кейин "Арсенал" энг яқин рақибидан 5 очко олдинда ва Премьер-лига турнир жадвалида пешқадамлик қилишда давом этмоқда.
