"Манчестер Юнайтед" ҳимоячиси Лисандро Мартинес АПЛнинг 21-турида Лондоннинг "Арсенал" жамоасига қарши ўйиндан сўнг ОАВга ўз фикрларини билдириб ўтди. "Манкунианликлар" 2:3 ҳисобида мағлуб бўлишди.
"МЮ" ғалаба қозониш учун майдонга тушганди, аммо натижа биз ўйлагандек бўлмади. Албатта, бу натижадан афсусдамиз. Бироқ, бизда кучли жамоа бор, шунинг учун курашишда давом этамиз. Биз бу мағлубиятдан сабоқ олиб, йўлда давом этамиз”, - деди аргентиналик футболчи клуб матбуот хизматига.
Ўтказилган 20 та ўйиндан сўнг "қизил иблислар" 39 очко жамғариб, АПЛ турнир жадвалида тўртинчи ўринда бормоқда.
