"Манчестер Юнайтед" дарвозабони Давид де Хеа Микель Артета ("Арсенал") ва Хосеп Гвардиола ("Манчестер Сити") ўртасидаги рақобат афсонавий Алекс Фергюсон ва Арсен Венгер ўртасидаги рақобат даражасига чиқа оладими деган саволга жавоб берди.
"Мен бу рақобат содир бўлишини хоҳлардим. Бу турли даврлар, футбол ўзгарди, аммо кўрамиз, кейин нима бўлади. Артета ва Гвардиола ҳозир жуда яхши", - деди испаниялик посбон Manchester Evening News билан суҳбатда.
"Арсенал" кеча "Манчестер Юнайтед" устидан 3:2 ҳисобида ғалаба қозонди. Лондон клуби Премьер-лигада "Манчестер Сити"дан 5 очко олдинда бормоқда.
