Лондоннинг "Челси" клуби ҳимоячиси ва сардори Сезар Аспиликуэта украиналик ярим ҳимоячи Михаил Мудрикнинг "кўклар" сафидаги дебюти ҳақида гапирди.

"Мудрик мақсад сари интилувчан йигит эканлигини кўрсатди. Унинг футболда катта амбициялари бор. У "Энфилд"да ярим соат ўйнади, бу дебют қилиш учун энг осон ўйин эмас. Лекин, Михаил ўзини мукаммал кўрсатди. Унинг энергиясини кўриш ёқимли. Ўйлайманки, у биз учун муҳим ўйинчи бўлади", - деди испаниялик футболчи Evening Standard билан суҳбатда.

Эслатиб ўтамиз, Мудрикнинг трансфери Лондон клубига 100 миллион еврога тушган эди. У билан 2031 йилнинг ёзига қадар узоқ муддатли шартнома имзоланган.