"Реал" бош мураббийи Карло Анчелотти Мадрид клуби ҳужумчиси Винисиус Жуниор ҳақида ўз фикрлари билан ўртоқлашди.
"Винисиус футболчилар билан курашишга ва ҳакамлар томонидан мумкин бўлган карточкалар туфайли тўлиқ куч билан ўйнашдан қўрқмайди. У ажойиб формада ва унинг руҳий ҳолати бизга муҳим. Биз уни ҳимоя қилишимиз керак. Менимча, футболга Винисиусдек инсонлар керак", — деди Анчелотти.
22 ёшли футболчи жорий мавсумда Ла Лигада 17 та ўйинда майдонга тушиб, 6 та гол урди ва 3 та голли узатмани амалга оширди.
