"Барселона" спорт директори Йорди Кройфф "Жирона" устидан қозонилган ғалабадан сўнг (1:0) Педрининг ғалабали голи ҳақида фикр билдирди, шунингдек, қишки трансфер ойнаси тугагунига қадар амалга оширилиши мумкин бўлган трансферлар ҳақида гапирди.

"Педри ёш, аммо имкониятлар кам бўлган ўйинда унинг голи бизга катта ёрдам берди. “Барселона” жуда муҳим уч очкога эришди.

Бу қишда жамоанинг мухлиси трансферлар борасида хотиржам бўладими? Ҳар бир инсон хотиржам бўлиши мумкин, чунки биз тарафдан бозорда ҳеч қандай ҳаракатлар бўлмайди. Лекин ҳеч қачон нима бўлишини билиб бўлмайди", - деди Кройфф Sport.es билан суҳбатда.

Кейинги турда "Барселона" "Бетис" билан ўйнайди. Ўйин 2 февраль куни соат 01:00да бошланади.