"Рома" бош мураббийи Жозе Моуриньо "Наполи" ҳужумчиси Виктор Осимхенни танқид қилди. Португалиялик мутахассис нигериялик футболчисини тез-тез симуляция қилишда айблади. Эслатиб ўтамиз, “бўрилар” кеча сафарда чемпионат пешқадамига 1:2 ҳисобида имкониятни бой берган эди.
"Осимхен Дрогбага жуда ўхшайди, аммо Дидье шўнғимаган. Агар мен топ-клублар ўрнида бўлганимда, Викторга эътибор қаратган бўлардим ва унга муносиб пул тўлаган бўлардим. Осимхен ажойиб футболчи, лекин агар у Англия Премьер-лигасига ўтмоқчи бўлса, шўнғишни тўхтатиши керак", - деди Моуриньо матбуот анжуманида.
Эслатиб ўтамиз, Осимхен жорий мавсум А Серияда 14 та гол билан тўпурар бўлиб турибди.
