"Фиорентина" "Барселона"нинг Софьян Амрабат бўйича биринчи ижара таклифини рад этди.

Журналист Фабрицио Романонинг ёзишича, Каталония клуби футболчини 40 миллионга сотиб олиш имконияти билан 3-4 миллион еврога ижарага бериш таклифи билан чиққан, бироқ "Фиорентина" рад жавобини берган.

Cope нашри футболчининг атрофидагиларга таяниб хабар беришича, Амрабатни "Барселона"га ўтказиш бўйича келишувга эришиш қийин бўлади, аммо бу имконият ҳали ҳам мавжуд.

Журналист Ашраф Бен Аяднинг айтишича, Софьян бугун "Фиорентина" билан машғулот ўтказмаган.

Амрабатнинг "Фиорентина" билан амалдаги шартномаси 2024 йилнинг ёзига қадар мўлжалланган.

26 ёшли футболчи жорий мавсумда клуб сафида барча турнирларда 25 та ўйинда майдонга тушди ва 11 та сариқ карточка олди.