"Манчестер Сити" Бернарду Силвани "Барселона"га қўйиб юбормади.
Бугун қишки трансфер ойнасининг сўнгги кунида каталонияликлар 28 ёшли португалиялик ярим ҳимоячини ўз сафига қўшиб олишга ҳаракат қилишди.
Гап сотиб олиш опцияси билан ижара ҳақида кетаётган эди, бироқ “Манчестер Сити” рад жавобини берди, деб хабар бермоқда AS нашри футболчига яқин манбаларга таяниб.
Силва "кўк-анорранглилар" президенти Жоан Лапортанинг узоқ вақтдан бери нишони бўлиб турибди ва футболчининг ўзи ҳам ҳаракат қилмоқда, аммо трансфер ойнасининг сўнгги соатларида ҳам бундай шартлар бўйича келишув бўлмайди.
"Манчестер Сити" футболчини ўтган ёзда қўйиб юборишга тайёр эди, аммо "Барселона" Премьер-лига клубини қаноатлантирадиган таклифни бера олмаганди.
Мавсум охирида "Барселона" ярим ҳимоячини сотиб олиш шарти билан ижарага олмоқчи.
Бернарду жорий мавсумда АПЛнинг 19 ўйинида 2 та гол урди ва 5 та голли узатмани амалга оширди.